Քաղաքաշինության կոմիտեի նախագահ Եղիազար Վարդանյանը չնախատեսված այց է կատարել Երնջատափի Եղիշե Չարենցի անվան միջնակարգ դպրոցի շինարարական հրապարակ։ Նա դիտարկել է դպրոցի նորոգման աշխատանքների ընթացքը, կոմիտեի պատասխանատու ստորաբաժանման և կապալառու ընկերության ներկայացուցիչների հետ քննարկել Արագածոտնի մարզում կոմիտեի համակարգմամբ իրականացվող ծրագրի իրագործմանն առնչվող հարցեր։

Քաղաքաշինության կոմիտեում հյուրընկալել են ՄԱԿ-ի Եվրոպական տնտեսական հանձնաժողովի (ԵՏՀ) կայուն էներգիայի բաժնի ղեկավար Դարիո Լիգուտիի գլխավորած պատվիրակությանը։ Քննարկվել են շենքերի էներգաարդյունավետությանն ուղղված նախաձեռնությունները։

Քաղաքաշինության կոմիտեի նախագահի տեղակալ Նունե Պետրոսյանն Իտալիայի Հանրապետության Ֆլորենցիա քաղաքում մասնակցել է Եվրոպայի խորհրդի Լանդշաֆտի կոնվենցիայի 25-ամյակին նվիրված նախարարական ոչ պաշտոնական համաժողովին։ Միջոցառման շրջանակում անդրադարձ է կատարվել կոնվենցիայի դրույթների կատարմանը, արձանագրված ձեռքբերումներին և մարտահրավերներին։ Ներկայացվել է Եվրոպայի խորհրդի Լանդշաֆտի կոնվենցիայի տեղեկատվական համակարգը, ինչպես նաև քննարկվել է 2026-2027թթ. աշխատանքային ծրագիրը:

2026 թվականի պետական բյուջեի նախագծով Քաղաքաշինության կոմիտեին նախատեսվում է հատկացնել շուրջ 3,1 մլրդ դրամ։ ԱԺ տնտեսական ու ֆինանսավարկային և բյուջետային հարցերի մշտական հանձնաժողովների՝ հոկտեմբերի 28-ի համատեղ նիստում Քաղաքաշինության կոմիտեի նախագահի առաջին տեղակալ Դավիթ Գրիգորյանը ներկայացրել է, որ հաստատված ֆինանսական միջոցներն ուղղվելու են 4 հիմնական միջոցառումների իրականացմանը։

Բազմաբնակարան շենքերի կառավարիչների վերապատրաստման դասընթացների մեկնարկին ընդառաջ Քաղաքաշինության կոմիտեի նախագահի գլխավորությամբ օրերս կայացել է խորհրդակցություն՝ բազմաբնակարան շենքերի կառավարման գործառույթներ իրականացնող կամ այդ գործառույթն իրականացնելու ցանկություն ունեցող անձանց գիտելիքների ստուգման նպատակով ստեղծված հանձնաժողովի անդամների մասնակցությամբ։

Քաղաքաշինության կոմիտեի նախագահ Եղիազար Վարդանյանը Ճարտարապետության և շինարարության Հայաստանի ազգային համալսարանում ներկա է գտնվել նոր կազմով հոգաբարձուների խորհրդի անդրանիկ նիստին, որի ընթացքում անցկացվել է հոգաբարձուների խորհրդի նախագահի ընտրություն։

Քաղաքաշինության կոմիտեի երկարամյա աշխատակից Հասմիկ Հովհաննիսյանին ծննդյան 60-ամյակի առթիվ շնորհավորել է կոմիտեի ղեկավար անձնակազմը: Քաղաքաշինության կոմիտեի նախագահի հրամանով երկարամյա և բեղմնավոր աշխատանքային գործունեության համար, ինչպես նաև ծննդյան 60-ամյակի առթիվ քարտուղարության պետ Հասմիկ Ռուբիկի Հովհաննիսյանը պարգևատրվել է շնորհակալագրով։