ՀՀ ԿԱ քաղաքաշինության պետական կոմիտե
Թեժ գիծ
(+374 011) 62-17-69

Հարցազրույցներ
Նորություններ
Հայտարարություններ

Հետադարձ կապ

1. Տեղեկատվության ազատության ապահովման պատասխանատու`

info@minurban.am
Հեռ.` +374 11 62-17-11
Ֆաքս` +374 11 62-17-34

2. Ներքին և արտաքին ազդարարման դեպքում հաղորդումների հաշվառման և հաղորդումներին ընթացք տալու համար պատասխանատու անձ` Խաչատուր Ղալթախչյան

kh.ghaltakhchyan@minurban.am
Հեռ.` +374 11 62-17-37
Հասցե` 0010, ք. Երևան, Հանրապետության Հրապարակ, Կառավարական տուն 3

09.08.2019

Շինարարի օրվա առթիվ ՀՀ քաղաքաշինության կոմիտեի նախագահ Վահագն Վերմիշյանի շնորհավորական ուղերձը

Այսօր մենք նշում ենք Շինարարի օրը: Շնորհավորում եմ բոլորիս այս կարևորագույն իրադարձության կապակցությամբ: Շինարարի տոնը մեծ խորհուրդ ունի: Ամեն տարի այս օրը մենք հպարտության անասելի զգացումով մեծարում ենք Հայաստանի Հանրապետության քաղաքաշինության բնագավառի բոլոր նվիրյալներին: Հայ Շինարարն, ով աշխարհին հայտնի է իր հեղինակած գլուխգործոցներով, կարևորագույն դեր ունի հայ ժողովրդի անվտանգության, տնտեսական և հոգևոր առաջընթացում: Շինարարներն են, որ ամեն օր քրտնաջան, անձնուրաց աշխատանքով կերտում են մեր նոր Հայաստանը, լավագույն կենսապայմաններ ապահովում մեր քաղաքացիների համար: Շինարարությունը նաև մշակույթ է, պատասխանատվություն և հարգանք: ՀՀ քաղաքաշինության կոմիտեն ներկայում մեծ դեր ու պատասխանատվություն է ստանձնել: Այս նոր իրավիճակում առաջին հերթին պարտավոր ենք բնագավառում ապահովել արդարություն: Զարգացման հնարավորությունները մեծ են, դաշտը թափանցիկ: Մենք նախաձեռնել ենք բազմաթիվ հեռանկարային ծրագրերի իրագործում: Լավագույն տեխնոլոգիաների ներդրմամբ հայ Շինարարի մտքի իրագործումը հեղափոխական նշանակություն է ունենալու բնագավառում: Ժամանակն է լինել նախաձեռնող և նախանձախնդիր: Շատ շուտով բնագավառում վերելք է արձանագրվելու: Հայաստանի բնակչության թիվը տարեցտարի աճելու է և եթե կառավարությունն իր առջև նման խնդիր է դրել, բնակմակերեսների և ենթակառուցվածքների շինարարությունը նույնպես նոր թափ է առնելու: Այստեղ է, որ դարձյալ անփոխարինելի է Հայ Շինարարի դերը՝ իր քրտնաջան, բարեխիղճ և արդյունավետ աշխատանքի առաքելությամբ: Հարգելի բարեկամներ, կրկին շնորհավորում եմ Շինարարի տոնի կապակցությամբ: Թող Աստված Ձեզ ուժ և զորություն, գաղափարներն իրագործելու կամք տա՝ անվերջ արարելու և ստեղծագործելու՝ ի շահ Հայաստանի Հանրապետության և ի բարօրրություն Հայաստանի Հանրապետության քաղաքացիների: Մաղթում եմ Ձեզ քաջառողջություն, և ամենայն բարիք …