Նորություններ
Քաղաքաշինության կոմիտեի նախագահ Եղիազար Վարդանյանը Տավուշի մարզում այցելել է Բագրատաշենի մոդուլային մսուր-մանկապարտեզ, որը կառուցվում է կոմիտեի համակարգմամբ։ 144 երեխայի համար նախատեսված, մետաղական կոնստրուկցիաներով և սենդվիչ պանելներով մսուր-մանկապարտեզի շինարարությունն ավարտված է. կատարվում են վերջին աշխատանքները։
Վարչապետ Նիկոլ Փաշինյանը Արագածոտնի և Շիրակի մարզեր կատարած այցի ընթացքում ծանոթացել է Քաղաքաշինության կոմիտեի համակարգմամբ իրականացված ծրագրերին:
Ավարտվել է Հայաստանում էներգաարդյունավետության խթանմանն ուղղված ՄԱԿ-ի Զարգացման ծրագրի՝ շուրջ մեկ տասնամյակ իրականացված նախաձեռնությունը։
Ապրիլի 20-ին տեղի է ունեցել աշխարհահռչակ բռնցկամարտիկ Արթուր Աբրահամի անվան մանկապատանեկան մարզահամալիրի հիմնարկեքի արարողությունը, որին ներկա է եղել ՀՀ վարչապետ Նիկոլ Փաշինյանը։ Միջոցառմանը մասնակցել են փոխվարչապետ Տիգրան Խաչատրյանը, ԿԳՄՍ նախարար Ժաննա Անդրեասյանը, ՏԿԵ նախարար Դավիթ Խուդաթյանը, Քաղաքաշինության կոմիտեի նախագահ Եղիազար Վարդանյանը, Արթուր Աբրահամը և այլք։
ՀՀ տարածքային կառավարման և ենթակառուցվածքների նախարարությունը, Քաղաքաշինության կոմիտեն, Ճարտարապետության և շինարարության Հայաստանի ազգային համալսարանը համատեղ ՃՇՀԱՀ-ի և հայաստանյան մի քանի այլ բուհերի ուսանողների համար կազմակերպել էին ճանաչողական այց Սյունիքի մարզ՝ ծանոթանալու մարզում իրականացվող խոշոր ենթակառուցվածքային ծրագրերի ընթացքին:
Քաղաքաշինության կոմիտեի նախագահ Եղիազար Վարդանյանը շրջայց է կատարել Արագածոտնի մարզի Ներքին Սասնաշեն գյուղի միջնակարգ դպրոցի շինարարական հրապարակ՝ դիտարկելու կատարված աշխատանքները։