Քաղաքաշինության կոմիտեում հյուրընկալել են Ասիական զարգացման բանկի ներկայացուցիչներին։ Քննարկվել են «Սեյսմիկ անվտանգության բարելավման ծրագրի» շրջանակում նախատեսվող նախաձեռնությունները։ Անդրադարձ է կատարվել սեյսմիկ անվտանգության, աղետների ռիսկերի կառավարման շրջանակում իրագործվող ծրագրերում Կոմիտեի մասնակցության վերաբերյալ մի շարք հարցերի։

Կոմիտեի նախագահի առաջին տեղակալ Դավիթ Գրիգորյանը շնորհակալություն է հայտնել ԱԶԲ ներկայացուցիչներին սեյսմիկ անվտանգությանն առնչվող տարբեր ուղղվածության աշխատանքներում սերտ համագործակցության համար։ Նա ներկայացրել է կոմիտեի առաջիկա ծրագրերը, և քննարկվել են համատեղ նախաձեռնությունների իրագործման հնարավորությունները։