Քաղաքաշինության կոմիտեում տեղի է ունեցել քաղաքաշինական խորհրդի հերթական նիստը, որի ընթացքում շարունակվել են «Երևանի փոքր կենտրոնի կառուցապատման մասին» օրենքի նախագծի վերաբերյալ մասնագիտական քննարկումները։ Հանդիպման ժամանակ ամփոփվել են խորհրդի անդամներից ստացված առաջարկները, դիտարկվել է նախագծի բարելավման նպատակով դրանք ներառելու անհրաժեշտությունը։

Առաջարկվել է հանրային լսումներ անցկացնելու պահանջից բացի նախագծում ավելացնել մասնագիտական քննարկումներ կազմակերպելու դրույթ։ Կարևորվել է նաև առանձին հատվածների համար կառուցապատման նախագծեր մշակելու անհրաժեշտության ամրագրումը։

«Երևանի փոքր կենտրոնի կառուցապատման մասին» օրենքի նախագծի համալրումը նոր առաջարկներով ու դիտարկումներով կշարունակվի նաև Քաղաքաշինության կոմիտե քաղաքաշինական խորհրդի հաջորդ նիստում։